السوق في بلدتنا

من طرف الها ئل 2010-07-18, 2:19 am

الحلقة الأولى
سأتحدث في هذه الحلقة عن التجار والزبائن المعروفين من غابر الزمان
وسأذكر بعض الأشياء عن السوق طبعا
تعريف السوق
1- لغة:السوق جمع لكلمة ساق (ساق النبات جمعها سوق النباتات) "طبعا مو سوق التنينا"
2-اصطلاحا: هي منطقة وجود الحوانيت(يعني الدكاكين) ويكثر فيها التجار والزبائن
يا شباب هدا أول موضوع لإلي أناعمبكتبوا بدك طولو بالكو علي بس شوي
كيف تعرف أنك ضمن السوق ؟
يحد السوق من الغرب الكراج ومن الجنوب المدرسة الثانوية والدكتور عبدالقادر أما من الشرق فيحده الشارع الطويل (طريق برشاية) ومن الشمال فيحده حمار الحجة(مدرسة حمدو مساط)
أما وسط السوق ففي الأمر رأيان
1=منهم من يقول أنه جامع السوق ولهذا قد ذهب الأكثرية
2=ومنهم من يقول أنه محل جقجوق
يحوي السوق على جميع أنواع المحلات ابتداء من الشحاد وصعودا حتى الصيادلة وانتهاء بالدكاترة (شفت شلون أحمد ما نسيتك تكرم عيونك)
"ما قلتولي خرج أكون مؤلف مواضيع وأكمل ولا بلاها "
(بدي أكمل وعمروا ما حدا يرث )
1>العلاقة بين التجار:
1) إذا تاجر شاف تاجر تيني بشي مكان بروح لعندو وبسلم عليه وبوسو من بين عيونو وما بحل عنو إلا ليشربو كاس ويسكي
سألو أحمدو شو يعني ويسكي
2) دائما منشوف روح التسامح بين التجار من نفس النوع (قصابين , محلات الفروج الني ...الخ)شلون يعني
واضحة مابدا شرح بس بدي أشرحا إذا كان في حدي غريب مو من الضيعة
هدا بحط إعلان عباب المحل كيلو اللحمة بـ1000ليرة ولما بصل الخبر للتاجر التاني بحط إعلان كيلو اللحمة بـ1500ليرة قصدو عندي غالي روح اشتري من عند غيري ولما بجي الزبون ما بشتري لا من عند هاد ولا من من عند هداك بروح بشتري من عند واحد تالت بكون حيطط إعلان كيلو اللحمة بـ2000ليرة فقط لاغير
طبعا الكلام مو بس عالقصابين (عالقصابين ,واوردةسوارات الخليوي ,محلات الفروج,.......الخ) بس الصيادلة ما عندم هالشي والحمدلله انبسطت أحمدو روح بدي اشوف رح تبين معاك
يا شباب تخيلو هالموضوع عمبكتبو لحالي بدون ما يساعدني حدي طبعا لأني ماحد خرج
2>العلاقة بين التاجر والزبون:
لما تفوت عشي محل وتطلبلك شي شغلة عندك تلت احتمالات
1)إذا كان موجود بقلك الكيلو ب100 كرمالك بـ90 طبعا أنت بتنبسط وبتشتري بس بعد شوي بتعرف أنو الكيلو بـ55 هلق إذا رجعت لعندو بتلقي مكتوب عالمحل البضاعة التي تباع لا ترد ولا تستبدل وإذا فتت بدك تاخد 35ليرة بقلك {والله هي بضاعة استندر ونوع أول وعالية الجودة وأحسن بضاعة بالسوق وما بلتفا منا هلق وأنا مشتري الكيلو ب84 وبحلف يمين وعظيم وفعلا بكون راسمال القطعة عليه 48 وقلك 84 بالغلط}
2)إذا كان ماو موجود وفي عندو غير نوع بقلك أنو النوع اللي بدك هوي أنت صناعة مو أصلية *حتى لو كان ياباني*
بس أنا عندي نوع أحسن وأكوس منو وروح جربو هادا نوعية ممتازة ونادرة وبعد ما تشتري بطلع المنتج صيني
"مرة رحت عمحل وطلبت قطعة باناسونيك طبعا باناسونيك شركة يابانية عريقة قللي صاحب المحل باناسونيك ما عندي ومرة حويت منا طلعت ماي كويسة وبتخرب بسرعة وووووووو......قام عطاني قطعة كورية أحسن من الصيني"
3)إذا كان ماو موجود عندو أو خلص بقللك طول بالك شوي لروح أجيبو من المستودع بقوم بروح لعند جارو وبياخدو قرضة وبرجعلو هو بعدين
وهلق صار دورنا نحن الزباين
3>علاقة الزبون مع التاجر:
يأتي الزبون إلى التاجر ويقول له: مرحبا يا بن عمي كيف حالك ‘طبعا بكون ابن عمو من الجد السابع عشر‘
ثم يسأله كم ثمن كيلو الفجل
فيرد عليه بـ 100
فيقول اف اف اف عند جارك بـ 99.99
فيرد ربما أنت زبونه فيراعيك وماذا ستختلف عليك قرش
فيقول نعم فإذا أردت أن أشتري 100كيلو أوفر على نفسي ليرة وأولادي أحق بها
فلذلك زن لي 100 غرام واحسب الكيلو بـ 10 ليرات ولا تكون بخيل ودعها زكاة هذا اليوم الفضيل ,حتى لو كان يوم الأربعاء,
وبعد أن ينتهي يقول له سجلها على الموسم <طبعا ما حدا بعرف اينا موسم يمكن موسم يوم القيامة إذا كان في موسم>
(في واحد بالضيعة كتب على كرتونة أسماء الزبائن البطليين وعلقا عباب المحل كنت بدي أصورا وأحطا على النت بس ما خلاني وقلي إذا مادفعو حتى 1/8 أنا بصورا وببعتلك هي)
نهاية الحلقة الأولى
في الحلقة القادمة
سأتحدث عن نوع غريب من التجار ظهر منذ فترة قصيرة مع ظهور التكنولوجيا والاتصالات والانترنت

من طرف **احـمـد** 2010-07-18, 1:30 pm

ممتاز ياهيك المواضيع يا بلا
تسلم ياهائل

من طرف الها ئل 2010-07-20, 11:28 pm

لسا ما شفت شي
طول بالك بس شوي

من طرف sub7i 2010-07-23, 9:11 am

حلو الموضوع بس بصراحة احمدو بطالعو احلى لا تزعل مني ها
نحني هون منحكي للفائدة مو للتجريح زمع هيك يسلمو

من طرف الها ئل 2010-07-30, 8:03 am

أنت ما شفت شي حلو لأحمدو أنت اش عمتحكي

من طرف البارع 2011-07-05, 4:57 am

السلام عليكم : الله يعطيك العافية يا أخي على اللغة التي استعملتها لهذا الموضوع

والتي لا يقدر على فك قراءتها إلا من كان ملم بقراءة اللغة السسكريتية لصحبها ( كفاشيوز ) الفيلسوف الهندي

لذلك علينا إضافة قاموس لقواميس العالم حتى نتمكن من تفسير للغة قباسين المرفوضة

ومن جانب آخر عليك أن تضع بعلمك انك انت من خلال طرح الموضوع تخاطب العالم0

ارجو أن تدرك ذلك وشكرا

البارع

من طرف bewar 2011-07-06, 12:22 am

انا تركت العيادي وبتالي صار احد اركان السوق ناقص لحقوو جلسو بشي بسطة او عربانة خضرة احسن ما يضيع
يسلمو اييدك يا بارع على قولة الشباب انا كمان بدي قاموس لبعض المصطلحات

السوق في بلدتنا

السوق في بلدتنا

رد: السوق في بلدتنا

رد: السوق في بلدتنا

رد: السوق في بلدتنا

رد: السوق في بلدتنا

الكتابة بالغة السسكريتية المنقرضة

رد: السوق في بلدتنا